[GooD aNd EvıL]

Celio Piazza

Hewa sar e
Li bin sifirê
Pênc pîle ne
Ji me re bûn nivîn
Betonê cemidî
Bayê bi tenî

Ew şevan sir veşêr in
Zîl dide jiyan nû ve
Qiza min
Betaniyê li xwe bipêçe
Dîrok ristin
Ne bi hêsan e
mîna nivîsînê
Neyar dicirifin
Li ber dengvedana me

Birçibûnê de
Roj bûn neh
Yanî qasî temena te
Qiza min
Hêvî li Romayê
Şaristaniya kevnar
Amor û Neron
Dek û dûbare
Gef û lîstik
Herdem hene

Hinek dibêjin
Spartaqûsê nûjen
Garîbaldî
Ser seran
Ser çavan
Leyl im
bi lîlandin
Xebatkar in
Giyana xwe geş dikin

Ev meydan
Celio Piazza ye
Ne cihê toraniyan e
Dergûşa çalakiyan e
Raperîn ji me
Şayesîn li wan
Wê binivîsînin
Kurdistan Piazza
Nexwe xeman
Gelek Dîno hene

Berxwe bide qîza min
Girêdan û vekirina rojê
Bi dest me ye.


Sewta Berbangê

Abdullah Karabağ